गर्भवती र स्तनपान गराइरहेका महिलालाई कोरोना खोप उपलब्ध गराउन नेसोगको माग – Nepal Press

गर्भवती र स्तनपान गराइरहेका महिलालाई कोरोना खोप उपलब्ध गराउन नेसोगको माग

काठमाडौं । कोरोनाभाइरस संक्रमणले गर्भवती र स्तनपान गराइरहेका महिलालाई जोखिम बढाएको भन्दै नेपाल प्रसूति तथा स्त्रीरोग विशेषज्ञ समाज (नेसोग)ले तत्काल कोरोनाविरुद्धको खोप उपलब्ध गराउन माग गरेको छ ।

कोरोना संक्रमणबाट गर्भवती महिलामात्र नभई गर्भमा भएको शिशुलाई समेत असर गर्न सक्ने कुरा पनि नेसोगले ध्यानाकर्षण गराएको छ । उसले तत्काल खोपको व्यवस्था नगरिए यो समूह जोखिममा पर्न सक्नेतर्फ सचेत पनि गराएको छ ।

गर्भवती अवस्थामा खोप प्रयोग गर्न सकिने र त्यसले गर्भमा रहेको बच्चालाई कुनै असर नगर्ने भएकाले गर्भवतीको जीवन रक्षाका लागि खोप अपरिहार्य रहेको विज्ञप्तीमा उल्लेख छ ।

सरकारले आगामी दिनमा खोप दिनको लागि गर्भवती र स्तनपान गराइरहेका महिलालाई समेत प्राथमिकतामा राखेर खोप व्यवस्थापन गर्न नेसोगले माग गरेको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर