रावलको राजीनामाबारे ओलीले भने- हतारिएर किन दिएको ? सकिन्छ भने फिर्ता गराउनुपर्छ
नेपाल प्रेस
२०७८ साउन ४ गते १४:०५
काठमाडौं । नेकपा एमालेका अध्यक्ष केपी शर्मा ओलीले पार्टी उपाध्यक्ष भीम रावलले हतारिएर सांसद पदबाट राजीनामा दिएको भन्दै फिर्ता लिनुपर्ने बताएका छन् ।
केन्द्रीय कमिटीको बैठकमा रावलको राजिनामाबारे चर्चा गर्दै अध्यक्ष ओलीले माधव नेपालले १० बुँदे सहमति पालना नगर्ने र देउवालाई विश्वासको मत नदिई नछाड्ने भएपछि रावलले राजीनामा दिए पनि त्यो आवश्यक नरहेको बताए ।
ओलीले भने, ‘भीम रावलले भन्दा पनि माधव नेपालले देउवालाई एक्लै भने पनि भोट हाल्छु भनेछन् । त्यसपछि सल्लाह नगरी हतारिएर किन राजीनामा दिएको ? माधव नेपालले गद्दारी गरे पनि एमाले पार्टी त छ नि । सकिन्छ भने राजीनामा फिर्ता गर्नुपर्छ ।’
नेपाल प्रेस
प्रकाशित: २०७८ साउन ४ गते १४:०५
प्रतिक्रिया
सम्बन्धित खवर
