जनकपुरको शिवालयमा भक्तजनको भीड (तस्बिरहरू)
नेपाल प्रेस
२०७८ साउन ४ गते १२:१९
जनकपुरधाम । साउनको पहिलो सोमबार आज जनकपुरस्थित शिव मन्दिरमा बिहानैदेखि भक्तजानको भीड लागेको छ ।
साउन महिनामा सोमारका दिन भगवान शिवको पूजा आराधना एवम् दर्शन गर्नाले मनोकामना पूरा हुने जनविश्वास रहेकाले शिवालयहरुमा पूजापाठ गर्नेहरुको भीड लागेको हो ।
साउनको सोमबार शिवलाई शुद्ध जल चढाएर खुसी बनाउन सकिन्छ भन्ने शास्त्रीय मान्यता छ । विशेषगरी महिलाहरुले विहानै स्नान गरी भगवान शिवको पूजा आराधना गर्छन् ।
साउनको सोमबार व्रत गरेमा मनको इच्छा पूरा भई अटल सौभाग्य प्राप्त हुने धार्मिक विश्वास छ । जनकपुरधामसहित देशभरको शिवालयमा भीड लागेको छ ।
विगत दुई वर्षदेखि कोरोना महामारीका कारण साउने सोमबारी प्रभावित हुँदै आएको छ । यस वर्ष पनि विगत जस्तो भीडभाड र चहलपहल नरहेको स्थानीय बताउँछन् ।
नेपाल प्रेस
प्रकाशित: २०७८ साउन ४ गते १२:१९
प्रतिक्रिया
सम्बन्धित खवर
