कविता: धर्तीमा स्वर्गको बास – Nepal Press

कविता: धर्तीमा स्वर्गको बास

धर्तीमा स्वर्गको बास हुन्छ
यदि तिमी माटो प्रेमी भए
धर्तीमा स्वर्गको राज हुन्छ
यदि तिमी देशभक्त भए ।

मातृभूमीको नदी नशा–नशामा सल्बलाउँछ
यदि तिमी कञ्चन हृदयको भए
रगत रगतमा इतिहास बग्छ
यदि वीरताको गाथा भिरे ।

चट्टान सरी शीर उँचो हुन्छ
यदि हार नखाए
तेजदृष्टि राख्नु पर्छ
यदि पाइला भूमिमै अडिग रहे ।

पालो अर्को सपूतहरुको हुन्छ
यदि गर्वसाथ आँटिलो बने
रक्षक तिमी यो देशको हुन्छ
यदि राष्ट्रघातको हतियार नबोके ।

फडानी आफ्नो आफ्नै हुन्छ
यदि मार्ग सही नचाले
माटो हो देशको चिन्नु पर्छ
यदि मनमा अहंकार नभिरे ।।

प्रतिक्रिया

Leave a Reply

Your email address will not be published. Required fields are marked *