कर्णालीमा बजेट सिध्याउने चटारो, २५ दिनमा सात अर्ब खर्च – Nepal Press

कर्णालीमा बजेट सिध्याउने चटारो, २५ दिनमा सात अर्ब खर्च

सुर्खेत । आर्थिक वर्ष सकिनै लाग्दा कर्णालीमा बजेट सिध्याउने चटारो बढेको छ । चालु आर्थिक वर्षको ११ महिनामा नौ अर्ब खर्च गरेको कर्णाली सरकारले पछिल्लो २५ दिनमा सात अर्ब रुपैयाँ बढी खर्च गरेको छ ।

आर्थिक वर्ष २०७७/०७८ को कुल ३३ अर्ब ७४ करोड १३ लाख ५३ हजार बजेटमा जेठ मसान्तसम्म नौ अर्ब सात करोड ९२ लाख ६२ हजार एक सय ६६ खर्च भएको थियो । असार महिनाको २५ गतेसम्म १६ अर्ब ८२ करोड ७९ लाख खर्च भएको छ ।

प्रदेश लेखा नियन्त्रक कार्यालयका प्रमुख मानवहादुर वमका अनुसार सरकारले चालु बजेटतर्फ ४९ दशमलव २५ र पुँजीगततर्फ ५० दशमलव ३४ प्रतिशत खर्च गरेको छ ।

‘कोरोना महामारी हुनु, कार्यान्वयन संयन्त्रको तुलनामा बजेटको आकार ठूलो हुनु, तयारीविनाका आयोजनालाई बजेट दिइनु, समयमै बजेटको बाँडफाँट नहुनुलगायतका कारण बजेट खर्च हुन सकेन’ लेखा कार्यालय प्रमुख भन्छन्, ‘मुख्यमन्त्री–मन्त्री– सचिव–कार्यालय प्रमुखबीचको कार्यसम्पादन करारको कार्य औपचारिकतामा सीमित रहनुले पनि खर्चमा समस्या भयो ।’

प्रतिक्रिया

Leave a Reply

Your email address will not be published.

सम्बन्धित खवर