माछा मार्न ह्युम पाइपभित्र पसेका पुरुष मृत भेटिए – Nepal Press

माछा मार्न ह्युम पाइपभित्र पसेका पुरुष मृत भेटिए

चितवन । माछा मार्न ह्युम पाइपभित्र छिरेका भरतपुर-३ का ३४ वर्षीय लालबहादुर श्रेष्ठ मृत भेटिएका छन् ।

बाह्रघरे क्षेत्रको पानी निकास गर्न राखिएको ह्युप पाइपभित्र छिरेका श्रेष्ठलाई डोजरको सहायताले पाइप निकालेरै खोजिएको थियो ।

घरबाट करिब ४ सय मिटर परको सो ह्युम पाइपमा साथीहरूसहित उनी आज बिहान माछा खोज्न पुगेका थिए । श्रेष्ठ ह्युम पाइपभित्र छिरेर माछा धपाउन लागे । उनका साथी नारायणी नदी किनारमा पाइपको मुखको भागमा जाली लिएर बसेका थिए । तर, लालबहादुरलाई धेरै बेर नदेखेपछि स्थानीयले नजिकको प्रहरीमा खबर गरेका थिए ।

‘सतहको पानी निकासका लागि करिब ७ फिट तल ह्युम पाइप राखिएको थियो । करिब ४० मिटरसम्मको ह्युप पाइप निकालेपछि बल्ल उनको शव भेटियो’ , वडा प्रहरी कार्यालय नारायणगढका प्रमुख प्रहरी निरीक्षक रघुसिंह विष्टले बताए ।

प्रतिक्रिया

Leave a Reply

Your email address will not be published. Required fields are marked *