युरो २०२० सेमिफाइनल: डेनमार्कको ‘दन्त्यकथा’ जारी रहला ?

काठमाडौं । युरोपियन च्याम्पियनसिप (युरो २०२०)को सेमिफाइनलमा इङ्ल्यान्डविरुद्ध उत्रिँदा डेनमार्क जारी प्रतियोगितामा बुन्दै गरेको ‘दन्तेकथा’ जारी राख्न तल्लीन हुनेछ । बुधबार राति इङ्ल्यान्डको लन्डस्थित वेम्ब्ली स्टेडियममा हुने खेलमा नतिजा आफ्नो पक्षमा पारेर दन्तेकथामा नयाँ अध्याय थप्नु भने उसका लागि कठिन चुनौती हुने निश्चित छ ।

Can't wait!🗓️#ForDanmark #EURO2020 #DEN #LondonCalling pic.twitter.com/eaFeHoENER

— DBU – En Del Af Noget Større (@DBUfodbold) July 3, 2021

डेनिस ‘डाइनामाइट’ले जारी प्रतियोगिताको समूह चरणको अन्तिम खेलसम्म एकनासको प्रदर्शन गर्न सकिरहेको थिएन । पहिलो खेलमै टोलीका महत्त्वपूर्ण सदस्य क्रिस्टियन एरिकसनलाई प्रतियोगिताबाट गुमाउनु पनि यसको कारण रह्यो ।

तर, अन्तिम खेलमा बलियो प्रतिद्वन्दी रुसविरुद्ध ४-१ को शानदार जित निकाल्दै प्रतियोगितामा पुनरागमन गरेको डेनिस टोलीले अन्तिम-१६ मा वेल्समाथि ४-० को जित निकाल्यो । त्यो खेलमा सुरुआती-११ मा पुनरागमन गरेका कास्पर डोलबर्गले दुई गोल गरेका थिए ।

सन् १९९२ मा उपाधि जित्दा तय गरेको सेमिफाइनल यात्रामा फेरि पुनरागमन गर्न डेनमार्कले क्वार्टरफाइनलमा चेक रिपब्लिकमाथि २-१ गोलको नतिजामा जित हासिल ग¥यो । तर, त्यो खेलको पहिलो हाफमै दुई गोल ठोकिसकेको डेनमार्कका लागि चाहेकोभन्दा कठिन सावित भएको थियो ।

VI SKAL IKKE HJEM – VI SKAL VIDERE! 🇩🇰#ForDanmark #EURO2020 pic.twitter.com/hB0rnp36uy

— DBU – En Del Af Noget Større (@DBUfodbold) July 3, 2021

यद्यपि, खेल शैलीलाई लिएर भइरहेका यावत आलोचनका बाबजुद पनि ग्यारेथ साउथगेटको इङ्लिस टोली सेमिफाइनलसम्म आइपुगेको छ । साउथगेटको टोलीले लगातार दोस्रो पटक ठूला प्रतियोगितामा सेमिफाइनल यात्रा तय गरेको हो । यसअघि २०१८ मा रुसमा भएको फिफा विश्वकपमा पनि सेमिफाइनलसम्मको इङ्लिस टोली क्रोएसियासँग पराजित भएको थियो ।

समूह चरणका खेलमा अपराजित रहे पनि दुई गोल मात्रै गर्न सफल इङ्ल्यान्डले अन्तिम १६ मा जर्मनीको सामना गरेको थियो । जर्मनीविरुद्ध जारी प्रतियोगितामा पहिलो पटक दुई गोल गर्न सफल इङ्लिस टोलीले क्वार्टरफाइनलमा युक्रेनलाई ४-० ले पराजित गरेको थियो ।

🎶 Que sera, sera… 🎶

We're in the #EURO2020 semi-finals – and we're going (back) to @wembleystadium! pic.twitter.com/fSXJ5vBJBe

— England (@England) July 3, 2021

टिम न्युज:

इन्जुरीको समस्या नभएकाले इङ्लिस टोलीको मुहारमा एउटा आनन्दको माहोल छ । युवा खेलाडी बुकायो साकाले ट्रेनिङका दौरान लागेको चोटका कारण युक्रेनविरुद्धको क्वार्टरफाइनल गुमाएका थिए । र, उनी सेमिफाइनलमा डेनमार्कविरुद्धको खेलका लागि पूर्ण रूपमा फिट भइसकेका छन् ।

तर, प्रशिक्षक साउथगेटले इङ्ल्यान्ड फाइनलसम्म पुग्न सके साकालाई विश्राम पनि दिन सक्नेछन् । युक्रेनविरुद्धको खेलमा उत्कृष्ट प्रदर्शन गरेका जाडोन सान्चोलाई उनको स्थानमा साउथगेटले प्रयोग गर्न सक्ने छन् । कसलाई खेलाउने भन्ने निर्णय लिनु साउथगेटका लागि कठिन हुने निश्चित छ ।

इङ्ल्यान्डको सम्भावित लाइन-अप:

जोर्डन पिकफोर्ड, काइल वाल्कर, जोन स्टोन्स, ह्यारी म्यागुएर, ल्युक शह, डेक्लान राइस, ह्यारी फिलिप्स, सान्चो, म्यासन माउन्ट, राहिम स्टर्लिङ, ह्यारी केन

एरिकसनमाथि भएको दुर्भाग्यशाली दुर्घटनाले उनलाई प्रतियोगिताबाटै बाहिर धकेलेपछि सुरुआती खेलमा तहसनहस भएर फेरि सम्हालिएको छ, डेनिस टोली । प्रशिक्षक कास्पर ह्युमल्यान्ड टोलीमा थप कुनै पनि इन्जुरी समस्या नभएकाले खुशी छन् ।

चेक रिपब्लिकविरुद्धको खेल बेन्चबाट हेरेका स्ट्राइकर युसुफ पौलसेन र विङ्ग ब्याक ड्यानिएल वासले सुरुआती-११ मा फर्किएर डोलबर्ग र स्ट्रिगरलाई प्रतिस्थापन गर्ने सम्भावना उच्च छ ।

डेनमार्कका सम्भावित सुरुआती-११

कास्पर स्माइकल, एन्द्रेस क्रिस्टियनसेन, सिमन साहर, यान्निक भेस्टरगार्ड, स्ट्रिगर, पेरी इमिल होइबर्ग, थोमस डेलानी, योहाकिम मेहेले, मार्टिन ब्रेथवेट, मिक्केल ड्याम्सगार्ड, डोलबर्ग

गेम चेन्जर्स

फेरि अर्का एट्लान्टाका विङ्ग ब्याक मेहेले डेनमार्कको जारी यात्रामा गेमचेन्जर बनेका छन् । चेकविरुद्धको खेलमा दोस्रो गोलका लागि असिस्ट दिएका मेहेलेको त्यो क्रस एक क्षमतावान् फुटलबरको ‘डिस्प्ले’ थियो ।

Joakim Maehle at #EURO2020:

👕 5 appearances
⚽️ 2 goals
🅰️ 1 assist

Outstanding productivity from wingback. 🇩🇰 pic.twitter.com/CXksnLB4lC

— Statman Dave (@StatmanDave) July 3, 2021

लगातार दुई गोल गरेका डोलबर्ग, मिडफिल्डमा प्रभावकारी देखिएका ड्याम्सगार्ड र मेहेलेले इङ्ल्यान्डविरुद्धको खेलमा पनि आफ्नो जारी फर्मलाई निरन्तरता दिने अपेक्षा गर्नेछन् । फाइलन पुग्नका लागि ती खेलाडीबाट प्रभावकारी प्रदर्शनको एकदमै खाँचो पनि डेनिस टोलीलाई छ । यद्यपि, इङ्लिस टोलीमा भने लगभग सबै नेतृत्व गर्न अब्बल छन् । कप्तान ह्यारी केन किन कप्तान हुन् भन्ने कुरा उनले सही समयमा पकडेको लयले पनि सावित गरिसकेको छ ।

समूह चरणमा गोल गर्न नसकेका केनले अन्ततः नकआउट चरणमा आफ्नो फर्म पाइसकेका छन् । जर्मनीविरुद्धको खेलमा खाता खोलेका केनले युक्रेनविरुद्ध दुई गोल थपे ।

🏴󠁧󠁢󠁥󠁮󠁧󠁿 Two-goal England hero Harry Kane takes the plaudits after inspiring the Three Lions in Rome 🥇@Heineken | #EUROSOTM | #EURO2020 pic.twitter.com/Cc1Y1y2XUb

— UEFA EURO 2024 (@EURO2024) July 3, 2021

साउथगेटले बुधबार पनि केनले त्यो लय कायमै राख्नेमा ग्यारेथ साउथगेट आशावादी छन् । यस्तै स्टर्लिङ तथा अन्य अट्याकर पनि डेनमार्कविरुद्धको खेलमा गेम चेन्जर बन्न निश्चय नै चाहन्छन् । डेनमार्कलाई हराउँदै इङ्लिस टोली ५५ वर्षको उपाधि खडेरीमा पूर्णविराम लगाउन चाहन्छ ।