संवैधानिक इजालसमा ४ घण्टा २ मिनेटको बहस बाँकी – Nepal Press

संवैधानिक इजालसमा ४ घण्टा २ मिनेटको बहस बाँकी

काठमाडौं । प्रतिनिधिसभा विघटनविरुद्ध संवैधानिक इजलासमा जारी सुनुवाईमा अब ४ घण्टा २ मिनेटको बहस बाँकी छ ।

इजलासले तय गरेको समय व्यवस्थापन अनुसार जवाफी बहसका लागि रिट निवेदक तर्फका कानून व्यवसायीसँग बहसका लागि २ घण्टा २ मिनेट समय छ । त्यस्तै एमिकस क्यूरीका ४ जना सदस्यहरुलाई राय दिनका लागि २ घण्टाको समय छ ।

आइतबारदेखि सुरु भएको जवाफी बहसका क्रममा वरिष्ठ अधिवक्ता रमण श्रेष्ठले बहस गरिरहेका छन् । रिट निवेदकका तर्फबाट श्रेष्ठबाहेक वरिष्ठ अधिवक्ताहरु शम्भु थापा, हरिहर दाहाल र बद्रीबहादुर कार्कीले पनि जवाफी बहस गर्दैछन् ।

जवाफी बहस आज चिया सत्रअघि सकिएमा आजै एमिकस क्यूरीले राय दिने क्रम सुरु हुनेछ । आज सुनुवाई सकिएको अवस्थामा मंगलबार वा बुधबारसम्म आदेश आउने सम्भावना छ ।

प्रतिनिधिसभा विघटन बारे सर्वोच्च अदालतमा ३० रिट निवेदन दर्ता भएका थिए । ती सबैलाई संवैधानिक इजलासमा राखिएकोमा शेरबहादुर देउवासहित १ सय ४६ जना निवेदक रहेको रिटलाई अग्राधिकार दिदै बहस थालिएको थियो ।

सो मुद्दामा प्रतिनिधिसभा विघटन बदर गर्न, निर्वाचन रोक्न र देउवालाई संविधानको धारा ७६ को ५ बमोजिमको प्रधानमन्त्रीमा नियुक्त गर्न मागदावी गरिएको छ ।

प्रतिक्रिया

Leave a Reply

Your email address will not be published.

सम्बन्धित खवर