बैतडी जिप दुर्घटना : मृतकको संख्या तीन पुग्यो
नेपाल प्रेस
२०७८ असार २० गते १५:००
कैलाली । बैतडीमा जीप दुर्घटना हुँदा मृत्यु हुनेको संख्या ३ पुगेको छ ।
दुर्घटनामा परी गम्भीर घाइते भएका सिगास गाउँपालिका ३ का ४५ बर्षीय जयसिंह धामीको पनि मृत्यु भएको जिल्ला प्रहरी कार्यालयका प्रहरी नायब उपरीक्षक रमेश बहादुर पालले बताए ।
दुर्घटनामा परी यसअघि सिगास गाउँपालिका ३ का ४५ बर्षीय मानसिंह साउँद र सोही ठाउँका ६४ बर्षीय रामसिंह धामीको पनि मृत्यु भएको थियो ।
बैतडीको सिगास गाउँपालिका वडा नं ३ बाट डडेल्धुरा तर्फ गईरहेको से १ ज ७३९ नम्बरको जिप लगन भन्ने स्थानमा आइतबार बिहान ९ बजेर ४० मिनेटमा दुर्घटनामा परेको थियो ।
नेपाल प्रेस
प्रकाशित: २०७८ असार २० गते १५:००
प्रतिक्रिया
सम्बन्धित खवर
