संवैधानिक इजलासमा देउवामाथि चोरीको आरोप – Nepal Press

संवैधानिक इजलासमा देउवामाथि चोरीको आरोप

काठमाडौं । प्रतिनिधिसभा विघटनसम्बन्धी मुद्दाउपर संवैधानिक इजलासमा सुनुवाइ जारी छ । आज सरकारी पक्षका कानून व्यवसायीको बहस सकिँदैछ ।

बहसमा उत्रिएका अधिवक्ता भोजराज आचार्यले नेपाली कांग्रेसका सभापति शेरबहादुर देउवाले नेकपा एमालेको चुनाव चिन्ह सूर्यलाई अपहरण गरेको आरोप लगाएका छन् ।

प्रधानमन्त्री बन्नका लागि देउवाले बुझाएको सूचीमा एमाले सांसदहरूको नाम पनि समावेश भएको र त्यसो गरिनु बौद्धिक चोरी भएको आचार्यको दावी छ । ‘सूर्य चिन्ह एमालेको ब्राण्ड हो । एमालेको ट्रेड मार्क हो । देउवाले एमाले सांसदको हस्ताक्षर र एमालेको ब्राण्ड दुरुपयोग गर्नुभएको छ । यो बौद्धिक चोरी हो । अपहरण हो श्रीमान्’, आचार्यले भने ।

उनले  भने,’देउवाले सांसदको हस्ताक्षर र एमालेको ब्राण्ड ट्रेड मार्क सूर्य चिन्हको बौद्धिक चोरी गरियो । अपहरण गरियो ।’

प्रतिक्रिया

Leave a Reply

Your email address will not be published. Required fields are marked *