बैंकका कर्मचारीको आन्दोलनप्रति ट्रेड यूनियन कांग्रेसको ध्यानाकर्षण – Nepal Press

बैंकका कर्मचारीको आन्दोलनप्रति ट्रेड यूनियन कांग्रेसको ध्यानाकर्षण

काठमाडौं । सामाजिक सुरक्षा कोषप्रति असहमति राख्दै बैंक तथा वित्तीय संस्थाको कर्मचारीले गरिरहेको आन्दोलनप्रति ट्रेड यूनियन कांग्रेसले विज्ञप्ति जारी गर्दै आफ्नो गम्भिर ध्यानाकर्षण भएको जनाएको छ ।

मुलुकका सम्पूर्ण प्रतिष्ठानहरुलाई २०७८ असार मसान्तसम्म अनिवार्य रुपले कोषमा आवद्ध हुन जारी गरेको सूचनाप्रति असहमति राख्दै बैंक तथा वित्तीय संस्थाका कर्मचारी संघले कोषको विरोध गरिरहेका छन् ।

आफ्ना १४ बुँदे माग संवोधन भएमा मात्रै कोषमा आवद्ध हुने बैंक तथा वित्तीय संस्था कर्मचारी संघको भनाई छ । यस प्रति नेपाली कांग्रेस ट्रेड यूनियनले आफ्नो गम्भिर ध्यानाकर्षण भएको जनाएको हो ।

यूनियनले आफ्नो पहलमा सामाजिक सुरक्षा सम्वन्धि योजना अगाडी बढाएको दावी गर्दै श्रम ऐन र सामाजिक सुरक्षा कोष ऐन अनुसार नियमावली निर्माण नगरिएका बताएको छ । अनौपचारिक क्षेत्रमा संलग्न श्रमिकहरु कोषमा आवद्ध हुन नसक्नु तथा बैंक तथा वित्तीय संस्थाका कर्मचारीले असन्तुष्टि त्यसै उपज भएको उसको भनाई छ ।

सामाजिक सुरक्षा कोषमा आउनु पर्ने त्रासले निजि क्षेत्रका बैंक तथा वित्तिय संस्थाका कर्मचारीहरु राजिनामा दिइएको भन्ने समाचारले चिन्तित बनाएको यूनियनले विज्ञप्तिमा उल्लेख गरेको छ ।

बैंक, वित्तिय संस्थाका कर्मचारीले खाइपाई आएको सुविधा घटाएर र घाटा व्यहोर्नु गरी आवद्धता गराउने प्रयास कोषले गराउन नहुने भन्दै कोषमा आवद्धत हुने समय बढाउन यूनियनले कोषलाई भनेको छ । आगामी असार मसान्तको समय सिमालाई बढाएर भएपनि सबै क्षेत्रका श्रमिकलाई कोषमा समेटर अगाडी बढ्नुपर्ने यूनियनको भनाई छ ।

बैंक तथा वित्तीय संस्थामा कर्मचारीको सुविधा कटौति नहुने एवं सामूहिक सौदावाजी अधिकारको सुनिश्चित्ता, अवकाश रकममा आय कर नलाग्ने व्यवस्था, योगदानका आधारमा उच्चतम प्रतिफलको व्यवस्था, अवकाश तथा निवृतिभरण योजनामा देखिएको विभेद हटाउने तथा ऐन तथा नियमावलीमा आवश्यक संसोधन गर्नका लागि समाजिक सुरक्षा कोष तयार हुनुपर्ने यूनियनको विज्ञप्तिमा उल्लेख गरिएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर