दीपिका र दिवाकरले सुरु गरे सहकारी व्यवसाय, महामारी साम्य भएपछि सुटिङ थाल्ने – Nepal Press

दीपिका र दिवाकरले सुरु गरे सहकारी व्यवसाय, महामारी साम्य भएपछि सुटिङ थाल्ने

काठमाडौं । कलाकारहरु अभिनयसँगै अन्य पेशामा पनि सक्रिय हुन थालेका छन् । महामारीको कारण कतिपयले वैकल्पिक व्यवसाय पनि अँगाल्न थालेका छन् ।

यही मेसोमा फिल्म क्षेत्रको जोडी अभिनेत्री दीपिका प्रसाइँ र निर्देशक दिवाकर भट्टराईले वित्तिय सहकारी व्यवसाय थालेका छन् । विहिबार ललितपुर कुमारीपाटीमा सहकारीको आउटलेट शुभारम्भ गरियो ।

पछिल्लो समय फिल्म ‘तिमीसँगै हुने मन छ’मा व्यस्त दिवाकर र दीपिका महामारी सामान्य भएपछि छायांकनमा जाने तयारीमा छन् । अहिले प्रि-प्रोडक्सन सकिएको उक्त फिल्म छायांकन गर्ने तयारीमा छ ।

‘फिल्मसँगै सहकारीको पेशालाई पनि अगाडि बढाउने उद्देश्यले खोलिएको हो’ नेपाल प्रेससँग निर्देशक भट्टराईले भने, ‘अब फिल्म र व्यवसायमा समय मिलाएर अघि बढ्नेछौं ।’

छायांकन सुरु नभएसम्म दीपिका र दिवाकर उक्त सहकारीमा व्यस्त हुने भएका छन् । दिवाकरको निर्माण एवं निर्देशन हुने उक्त फिल्म छायांकनमा जाने तयारीमा भएको बेला निषेधाज्ञा सुरु भएको थियो ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर