रामचन्द्रको आपत्तिपछि रोकियो नेतात्रयको टोखा भेला – Nepal Press

रामचन्द्रको आपत्तिपछि रोकियो नेतात्रयको टोखा भेला

काठमाडौं । वरिष्ठ नेता रामचन्द्र पौडेलले आपत्ति जनाएपछि शुक्रबार हुने भनिएको नेतात्रयको ‘टोखा भेला’ स्थगित भएको छ ।

उपसभापति विमलेन्द्र निधि, महामन्त्री डा. शशांक कोइराला र पूर्वमहामन्त्री प्रकाशमान सिंहले शुक्रबार महाधिवेशनबारे छलफल गर्ने भन्दै केन्द्रीय सदस्यहरूको भेला आह्वान गरेका थिए । टोखामा हुने भनिएको भेला पौडेलको असन्तुष्टिपछि स्थगित भएको हो ।

महामन्त्री कोइराला निवास महाराजगञ्जमा बुधबार साँझ बसेको बैठकमा पौडेलले भेलाको उद्देश्यबारे प्रश्न गरेका थिए । ‘तीनजना नेताले भेला बोलाएको बारे देशभरीका साथीले फोन गरेका छन् । यस्तो भेलाबाट के सन्देश दिन खोजिएको हो ?’, पौडेलले भने ।

‘पछि उपयुक्त समयमा सबै नेतालाई समेटेर कार्यक्रम गर्नेगरी अहिलेलाई शुक्रबारको कार्यक्रम रोकिएको छ’, नेतात्रयनिकट स्रोतले भन्यो ।

सोमबार पूर्वमहामन्त्री सिंहको निवासमा बसेको बैठकले शुक्रबार केन्द्रीय सदस्यहरूसँग महाधिवेशन र भावी नेतृत्वबारे छलफल गर्ने निर्णय गरेको थियो । निधि, कोइराला र सिंहबीच आसन्न महाधिवेशनमा सहकार्य गर्ने विषयमा निरन्तर संवाद भइरहेको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर