युरो २०२० का १० सर्वाधिक गोलकर्ता – Nepal Press

युरो २०२० का १० सर्वाधिक गोलकर्ता

काठमाडौं । कोरोना भाइरसको महामारीका कारण एक वर्षपछि धकेलिएको युरो २०२० को समूह चरण र अन्तिम १६ का खेलहरू सकिइसकेका छन् । पहिलो चरणबाट १६ टोली र नकआउटबाट ८ गरी क्वार्टरफाइनल समिकरण पनि पूरा भइसकेको छ ।

केही रोमाञ्चक नकआउट खेलहरूबाट २०१२ पछिका युरो र विश्वकप विजेता सबै टोली प्रतियोगिताबाट बाहिरिसकेका छन् । प्रतियोगिताको साविक विजेता पोर्चुगल बेल्जियमसँग १–० गोलको नतिजामा पराजित हुँदै बाहिरियो भने २०१४ विश्वकपको च्याम्पियन जर्मनीलाई इङ्ल्यान्डले २-० को नतिजामा पराजित गर्दै घर फर्काइदियो ।

यस्तै, २०१८ विश्वकपको च्याम्पियन फ्रान्स स्वीट्जरल्यान्डसँग पेनाल्टी सुटआउटमा ५-४ को पराजय बेहोर्दै बाहिरिएसँगै अब पछिल्लो दशकमा ठूला प्रतियोगिता जितेको स्पेन मात्र बाँकी छ ।

क्वार्टरफाइनलका खेलहरू शुक्रबारदेखि सुरु हुनेछन् । तर, सुरुआती चरणमै केही खेलाडीले पर्याप्त गोल गरिसकेका छन् ।

अन्तिम १६ पछि युरो २०२० मा सर्वाधिक १० गोलकर्ताको सूची यस्तो छ ।

  • क्रिस्टियानो रोनाल्डो (पोर्चुगल) ५ गोल
  • प्याट्रिक शिक (चेक रिपब्लिक) ४ गोल
  • करिम बेन्जिमा (फ्रान्स) ४ गोल
  • एमिल फोर्सबर्ग (स्विडेन) ४ गोल
  • रोबर्ट लेवान्डोस्की (पोल्यान्ड) ३ गोल
  • ह्यारिस सेफेरोभिच (स्वीट्जरल्यान्ड) ३ गोल
  • राहिम स्टर्लिङ (इङ्ल्यान्ड) ३ गोल
  • रोमेलु लुकाकु (बेल्जियम) ३ गोल
  • जर्जिनियो विज्नाल्डम (नेदरल्यान्ड्स) ३ गोल

प्रतिक्रिया

Leave a Reply

Your email address will not be published. Required fields are marked *

सम्बन्धित खवर