निषेधाज्ञा खुकुलिएसँगै सिरियल र म्युजिक भिडिओ छायांकन सुरु, रोकिएको ‘जुठे’ आजदेखि प्रसारण हुँदै – Nepal Press

निषेधाज्ञा खुकुलिएसँगै सिरियल र म्युजिक भिडिओ छायांकन सुरु, रोकिएको ‘जुठे’ आजदेखि प्रसारण हुँदै

काठमाडौं । निषेधाज्ञाले रोकिएका टेलिफिल्म र म्युजिक भिडियो छायांकन पुनः सुचारु हुने थालेका छन् । निषेधाज्ञा खुकुलो भएसँगै निर्माताहरुले छायांकनको योजना बनाइरहेका छन् । बुधबारदेखि लोकप्रिय टेलिसिरियल जुठे प्रसारण हुँदैछ ।

निषेधाज्ञाले छायांकन रोकिएपछि दुई साता सिरियलको प्रसारण रोकिएको थियो । टेलिसिरियल लेखक, निर्देशक एवं कलाकार मरिचमान श्रेष्ठका अनुसार अबदेखि नियमितरुपमा सिरियल प्रसारण हुन्छ ।

यो सिरियलको छायांकन पोखराको माछापुच्छ्रे गाउँपालिकामा हुँदै आएको छ । गाउँमा छायांकन गर्नुपर्ने भएकाले एकैपटक अन्य एपिसोडको पनि छायणंकन गर्ने गरिएको उनले जनाए । उनका अनुसार अहिले एकैपटक ६ भाग छायांकन हुँदैछ ।

‘हिमालय टेलिभिजनबाट बुधबार बेलुकी ८ बजे प्रसारण हुँदै आएको सिरियलको आज १४ औं एपिसोड प्रसारण हुँदैछ । सिरियलमा रवि गिरी, विद्या कार्की, रामबाबु रेग्मी, मुकुन्द मैनाली, शर्मिला शर्मा, युनिश ढुंगाना लगायतले अभिनय गर्दै आएका छन् ।

मरिचमानले भने, ‘सबैको सल्लाह र सुझावलाई मध्यनजर गर्दै ‘जुठे’लाई थप परिस्कृत गर्दै लैजाने छौं ।’ सिरियललाई राहुल राई र घनश्याम पोखरेलले छायांकन गर्दै आएका छन् भने रविन भट्टले सम्पादन गर्ने गर्छन् ।

साथै, रोकिएका म्युजिक भिडियो छायांकनका गतिविधि पनि सुचारु हुन थालेका छन् । म्युजिक भिडियो निर्देशक सुव्रत आचार्यले निषेधाज्ञा खुकुलिएसँगै आफूहरु पुनः छायांकनमा जान लागेको बताए । सामाजिक दूरी कायम र सानो समूहमा छायांकनको कार्य गर्ने उनको भनाई छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर