कतारका नेपाली व्यवसायीले प्रदान गरे १४ वटा भेन्टिलेटर – Nepal Press

कतारका नेपाली व्यवसायीले प्रदान गरे १४ वटा भेन्टिलेटर

काठमाडौं । कतारमा रहेका नेपाली व्यवसायीले सरकारलाई १ करोड २० लाख रुपैयाँ बराबरको स्वास्थ्य सहायता प्रदान गरेका छन् ।

नेपाली बिजनेस एसोसिएसन कतारले स्वास्थ्य मन्त्रालयलाई यसैसाता १४ वटा भेन्टिलेटर, ४२ थान अक्सिजन कन्सनट्रेटर, २१ सय पल्स अक्सिमिटर र ५० वटा नोजल क्यानुला प्रदान गरेको हो ।

त्रिभुवन विमानस्थलमा आयोजित कार्यक्रममा एसोसिएसनका प्रमुख सल्लाहकार टीवी कार्कीले मन्त्रालयका प्रमुख विशेषज्ञ डा. रोशन पोखरेललाई ती सामग्री प्रदान गरेका हुन् ।

संस्थाका सदस्य महेन्द्र चौंलागाइँको संयोजकत्वमा गठितले समितिले इच्छुक दाताबाट उक्त रकम संकलन गरेको थियो । दोहास्थित नेपाली दूतावासले यसबारे जानकारी गराएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर