क्रोएसियाविरुद्ध नाटकीय जित निकाल्दै स्पेन क्‍वार्टरफाइनलमा – Nepal Press

क्रोएसियाविरुद्ध नाटकीय जित निकाल्दै स्पेन क्‍वार्टरफाइनलमा

काठमाडौं । अन्तिम १६ अन्तर्गत सोमबार राति भएको खेलमा क्रोएसियालाई ५-३ गोलको नतिजामा पराजित गर्दै तीन पटकको च्याम्पियन स्पेन युरो २०२० को क्‍वार्टरफाइनलमा पुगेको छ ।

डेनमार्कमा भएको खेलको निर्धारित समयमा ३-३ गोलको बराबरी भएपछि खेल अतिरिक्त समयमा धकेलिएको थियो । अतिरिक्त समयको पहिलो हाफमा २ गोल गर्दै स्पेनले ५-३ को जित सुनिश्चित गर्‍यो ।

स्पेनको जितमा पाब्लो साराबिया, सिजर एज्पिलिक्युएटा, फेरान टोरेस, अल्भारो मोराटा र मिकेल ओयर्जाबालले एक/एक गोल गरे ।

त्यस्तै क्रोएसियाका लागि स्पेनका पेड्रीले आत्मघाती तथा क्रोएसियन मिस्लभ ओर्सिक र म्यारियो पासालिकले एक/एक गोल गरे ।

पराजयसँगै विश्वकप २०१८ को उपविजेता क्रोएसिया अन्तिम १६ बाटै बाहिरिएको छ भने स्पेन पछिल्ला तीन ठूला प्रतियोगितापछि पहिलो पटक क्‍वार्टरफाइनलमा पुगेको हो ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर