लुम्बिनी प्रदेश : एक घण्टामा झण्डै २१ हजार बिरुवा रोपियो – Nepal Press

लुम्बिनी प्रदेश : एक घण्टामा झण्डै २१ हजार बिरुवा रोपियो

रुपन्देही । राष्ट्रिय रेकर्ड कायम गर्ने लुम्बिनी प्रदेश सरकारको लक्ष्यअनुसार १ घण्टामा २१ हजार बिरुवा रोपिएको छ । प्रदेश सरकारले ‘तेस्रो वृक्षरोपण मूल समारोह कार्यक्रम’ नाम दिएरपश्चिम नवलरासीको सुनवल नगरपालिका जर्गाहास्थित कोटहीदेवी सामुदायिक वनमा वृक्षरोपण गरेको हो ।

बिरुवा रोपेर कार्यक्रमको उद्घाटन गर्दै मुख्यमन्त्री शंकर पोखरेलले नेपालमा ५० प्रतिशत वन क्षेत्र रहेको भनिए पनि विदेशबाट काठ आयात गर्नुपर्ने बाध्यता रहेको बताए । वन पैदावारको आयात रोक्न यहिँका वन क्षेत्रको दीगो व्यवस्थापन जरुरी रहेको र प्रदेश सरकार त्यसमा लागि परेको पोखरेलको भनाइ छ ।

उद्योग वन तथा वातावरण मन्त्री कल्पना पाण्डेले नेपालमै रेकर्ड कायम गर्ने गरी प्रदेश सरकारले ‘मूल समारोह कार्यक्रम’ तय गरेर वृक्षारोपण गरिएको बताइन् । सामुदायिक वनको २९ हेक्टर क्षेत्रफलमध्ये १५ हेक्टरमा वृक्षारोपण गरिएको हो ।

कार्यक्रमपश्चात डिभिजन वन कार्यालय नवलपरासीका डिभिजनल अधिकृत शंकरप्रसाद गुप्ताले १ घण्टामा लक्ष्यभन्दा बढी २० हजार ९ सय १७ वटा बिरुवा रोपिएको बताए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर