मिस वर्ल्डका लागि नम्रताको तयारी सुरु, धादिङमा झोलुंगे पुल बनाइदिने – Nepal Press

मिस वर्ल्डका लागि नम्रताको तयारी सुरु, धादिङमा झोलुंगे पुल बनाइदिने

काठमाडौं । मिस नेपाल नम्रता श्रेष्ठको पहलमा धादिङस्थित नीलकण्ठ नगरपालिकामा झोलुंगे पुल निर्माण हुने भएको छ ।

यसवर्षको विश्व सुन्दरी प्रतियोगिताको महत्वपूर्ण विधा ब्यूटी विथ अ पर्पसको लागि उक्त पुल बनाउन लागिएको हो । झन्डै ५५ लाख खर्च लाग्ने उक्त पुल केही महिनामा तयार हुने भएको छ ।

शनिबार छिरिन पुुछार झोलुंगे पुल नामाकरण गरिएको उक्त पुलको शिलान्यास समेत भएको छ । स्पोन्सरहरु जुटाएर पुल निर्माणका लागि बजेट संकलन थालिएको द हिडन ट्रेजरका निर्देशक प्रमोद कंशाकारले जानकारी दिए ।

संस्थागत पहलमा सुरु गरिएको पुल निर्माणमा गच्छेअनुसार सहयोग गर्न पनि नम्रता र हिडन ट्रेजरले आग्रह गरेका छन् । ‘हामी सहायताका लागि सबैजनालाई आग्रह गर्छौं’ कंशाकारले नेपाल प्रेसलाई भने ।

पुल निर्माणका लागि विभिन्न ब्रान्डहरुले पनि हातेमालो गरेका छन् । साथै अर्थ संकलनका लागि नम्रता श्रेष्ठको नाममा राष्ट्रिय वाणिज्य बैंकमा खाता पनि खुलेको छ । खाता नम्बर १८७०१०००००४१५०१० रहेको छ ।

आगामी डिसेम्बर १६ मा अमेरिकाको पुएर्तो रिकोमा हुने भनिएको विश्व सुन्दरी प्रतियोगिताको तयारी सुरु भएको छ । हिडन ट्रेजरले यसबारे चाँडै जानकारी समेत गराउने भएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर