सरस्वती र रुपाको फोन कल : के भनेकी थिइन् सरस्वतीले ? (अडियोसहित) – Nepal Press

सरस्वती र रुपाको फोन कल : के भनेकी थिइन् सरस्वतीले ? (अडियोसहित)

काठमाडौं । दलित युवतीलाई कोठा नदिएको आरोपमा पक्राउ परेकी सरस्वती प्रधान छुटिसकेपछि यो विषयले उत्पन्न गरेको बहस थामिएको छैन । सरस्वती विरुद्ध प्रमाण नपुगेको भन्दै सरकारी वकिलको कार्यालयले मुद्दा चलाउन नमिल्ने बताएको छ ।

रुपा सुनारले आफूमाथि भएको जातीय विभेदको मुख्य प्रमाणका रुपमा एउटा अडियो रेकर्ड प्रहरीमा पेश गरेकी थिइन् । कोठा नपाउने भएपछि सरस्वतीलाई फोन गरेकी रुपाले मोबाइलमा सो कुराकानीको अडियो रेकर्ड गरेकी थिइन् । सो अडियो अहिले सामाजिक सञ्जालबाट बाहिरएको छ ।

अडियोमा सुनिएको संवाद यस्तो छः

सरस्वती : बोल्दैछु नानी

रुपा : ए, अँ दिदी के भयो ? म दिउसो आको थेँ नि ।

सरस्वती : अँ अँ अँ । कोठाको लागि ?

रुपा : हजुर हजुर अँ ।

सरस्वती : कोठाको लागि अब यसो भयो नि नानी । हजुरमा छ, त्यही भएर नमिल्ने भयो के नानी । है, नरिसाउ ल ?

रुपा : ए, के रे दिदी ?

सरस्वती : हजुरआमा छ । त्यही भएर अब उ गर्छ के मा’ ले ।

रुपा : ए, हजुरआमा हुँदाखेरी चैं हाम्रो जातको मान्छे बस्न नमिल्ने ?

सरस्वती : अँ अँ । हामीलाई त केही छैन । उहाँलाई चैं मिल्दैन । है, नरिसाउ ल नानी ।

रुपा : हुन्छ दिदी हुन्छ । हेहेहेहे…

सरस्वती : अर्को छ भने साथीभाइ सोधिदेउ । है ।

रुपा : हुन्छ दिदी हुन्छ ।

सरस्वती : आउन । कहिलेकाहीँ यसो आउन है ।

रुपा : हुन्छ दिदी हुन्छ ।

सरस्वती : ल ।

प्रतिक्रिया

Leave a Reply

Your email address will not be published. Required fields are marked *