आज यी नदीमा आउन सक्छ बाढी, सतर्क रहन आग्रह – Nepal Press

आज यी नदीमा आउन सक्छ बाढी, सतर्क रहन आग्रह

काठमाडौं । जल तथा मौसम विज्ञानका अनुसार बिहीबार मुलुकका विभिन्न स्थानमा वर्षा भई बाढी आउन सक्ने भएकाले सतर्क रहन आग्रह गरेको छ ।

महाशाखाका अनुसार आज कोशी नदीमा पानीको बहाव उच्च भई बाढी आउन सक्ने पुर्वानुमान छ । कमला, वाग्मती, पश्चिम राप्ती, बबई का सहायक नदीहरुमा भारी वर्षा भई नदीमा बाढी आउन सक्ने अनुमान रहेको छ ।

प्रदेश १ को रसुवा सिन्धुपाल्चोक, दोलखा, रामेछाप, घादिङ, मकवानपुर, काठमाडौं, सिन्धुली गण्डकी प्रदेशको गोरखा, लमजुङ, तनहुँ, कास्की, स्याङ्गजा, पर्वत, म्याग्दी, बागलुङ, मनाङ जिल्लामा भारी वर्षा हुने अनुमान महाशाखाले गरेको छ ।

लुम्बिनी प्रदेशको कपिलवस्तु, रुपन्देही, रुकुम पूर्व, रोल्पा, दाङ, बाँके, बर्दिया कर्णाली प्रदेशको सल्यान, रुकुम, सुर्खेत आसपास जिल्ला भई बग्ने नदीहरुमा पानीको बहाव बढेर बाढी आउन सक्ने भएकाले सतर्क रहन आग्रह गरेको छ ।

 

प्रतिक्रिया

Leave a Reply

Your email address will not be published. Required fields are marked *