प्रदेश २ः ११ महिनामा ३१ प्रतिशत मात्रै विकास बजेट खर्च – Nepal Press

प्रदेश २ः ११ महिनामा ३१ प्रतिशत मात्रै विकास बजेट खर्च

धेरै खर्च गर्नेमा भौतिक पूर्वाधार र कम गर्नेमा भूमी व्यवस्था मन्त्रालय

जनकपुरधाम । केन्द्रले बजेट कम दिएको भनेर सधैं गुनासो गर्ने प्रदेश २ सरकारले चालु आर्थिक वर्षको ११ महिनामा ३१ प्रतिशत भन्दा बढी विकास बजेट खर्च गर्न सकेन ।

प्रदेश लेखा नियन्त्रक कार्यालयले दिएको तथ्यांकअनुसार प्रदेश सरकारले जेठ मसान्तसम्म चालुतर्फ ३४ दशमलव ९ र पुँजीगततर्फ ३१ दशमलव २३ प्रतिशत बजेट मात्र खर्च भएको छ ।

चालु आर्थिक वर्षका लागि प्रदेश सरकारले कुल ३३ अर्ब बजेट विनियोजन गरेको थियो । जसमध्ये जेठ मसान्तसम्म १० अर्ब ६५ करोड ५७ लाख रुपैयाँ मात्र खर्च भएको छ । यो वर्ष सबभन्दा बढी भौतिक पूर्वाधार विकास मन्त्रालयले ४१ दशमलव १४ प्रतिशत र सबभन्दा कम भूमी व्यवस्था, कृषि तथा सहकारी मन्त्रालयले खर्च गरेको तथ्यांकले देखाएको छ ।

यस्तै आर्थिक मामिला तथा योजना मन्त्रालयले कुल बजेटको ३६.३५ प्रतिशत, उद्योग, पर्यटन, वन तथा वातावरण मन्त्रालयले ३२.८ प्रतिशत र मुख्यमन्त्री तथा मन्त्रिपरिषद्को कार्यालयले २४.२४ प्रतिशत वजेट खर्च गरेको छ ।

सामाजिक विकास मन्त्रालयले चालुतर्फ १ अर्ब ५२ करोड २१ लाख र पुँजीगततर्फ ५८ करोड ४ लाख गरी २ अर्ब ८ करोड २५ लाख खर्च गरेको छ । यस्तै आन्तरिक मामिला तथा कानून मन्त्रालयले चालुतर्फ १० करोड ७ लाख र पुँजीगततर्फ १७ करोड १३ लाख खर्च गरेको छ ।

११ महिनामा साढे ३१ प्रतिशत खर्च गरेपछि अब एक महिनामै झण्डै ६९ प्रतिशत बजेट खर्च गर्नुपर्ने हुन्छ । तर यो सम्भव छैन । असारमा हतार हतार विकास गर्दा व्यापक भ्रष्टाचार हुने विज्ञहरु बताउँछन् ।

आर्थिक मामिला तथा योजना राज्यमन्त्री उषा यादवले काम धेरै भएपनि रकम भुक्तानी नहुँदा कम बजेट खर्च भएको देखिएको बताइन् । उनले कोरोना महामारीका कारण पनि बजेट कम खर्च भएको बताइन् । उनले भनिन्, ‘धेरै योजनाहरु पूरा हुनेक्रममा छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर