आस्गाबात संसारकै खर्चिलो सहर, हङकङ दोस्रो स्थानमा – Nepal Press

आस्गाबात संसारकै खर्चिलो सहर, हङकङ दोस्रो स्थानमा

काठमाडैं । मध्य एसियाली मुलुक तुर्किमेनिस्तानको राजधानी आस्गाबात यसवर्ष संसारकै खर्चिलो सहर बनेको छ ।

परामर्शदात्री संस्था मर्सरको पछिल्लो अध्ययनअनुसार सन् २०२१ मा उक्त सहर संसारका अन्य सहरलाई उछिन्दै सर्वाधिक खर्चिलो सूचीको पहिलो स्थानमा सूचीकृत भएको हो ।

विदेशी कामदारका लागि उक्त सहर निकै खर्चिलो रहेको उक्त अध्ययनमा उल्लेख छ । गतवर्ष महंगो सहरको रुपमा पहिलो स्थानमा रहेको हङकङलाई समेत आस्गाबातले उछिनेको छ ।

हङकङ अहिले दोस्रो स्थानमा छ । त्यसपछि क्रमशः लेबनानको बेइरुत र जापानको राजधानी टोक्यो छन् । आवास, खाना र यातायात खर्चलाई जोडेर २०६ वटा सहरमा यस्तो अध्ययन गरिएको थियो ।

घरेलु आर्थिक मन्दीको कारण पनि आस्गाबात खर्चिलो बनेको अनुसन्धान गर्ने फर्म मर्सरका जिन फिलिप साराले जनाएका छन् । मन्दीले खानाको मूल्य बढेको र सेवा समेत खर्चिलो बनेको जनाइएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर