आज यी नदीमा आउन सक्छ बाढी, सतर्क रहन आग्रह

काठमाडौं । जल तथा मौसम विज्ञान विभागले बुधबार मुलुकका विभिन्न स्थानमा वर्षा भई नदीहरुमा बाढी आउन सक्ने भएकाले सतर्कता अपनाउन आग्रह गरेको छ ।

आज कोशी र यसका सहायक नदीमा पानीको बहाव उच्च भई बाढी आउन सक्ने सम्भावना रहेको महाशाखाले जनाएको छ । कन्काई, कमला वाग्मती नदीका सहायक नदीमा भारी वर्षा भई बाढी आउन सक्ने पुर्वानुमान रहेको छ ।

त्यस्तै प्रदेश २ को बारा, पर्सा, रौतहट, सिराहा वाग्मती प्रदेशको रसुवा सिन्धुपाल्चोक, दोलखा, रामेछाप, मकवानपुर, सिन्धुली गण्डकी प्रदेशको गोरखा लमजुङ, कास्की, पर्वत, म्याग्दी, बाग्लुङ, मनाङ, नवलपुर जिल्लामा वर्षा हुने महाशाखाले अनुमान गरेको छ ।

लुम्बिनी प्रदेशको परासी, पाल्पा, गुल्मी, कपिलवस्तु, रुपन्देही, रुकुम, रोल्पा, प्यूठान सुदूरपश्चिम प्रदेशको डोटी, अछाम जिल्लामा भारी वर्षा भई आसपासका नदीहरुमा बाढी आउन सक्ने जोखिम भएकाले सतर्क रहन महाशाखाले आग्रह गरेको छ ।