प्रधानमन्त्रीको गुनासो- हाम्रो सांस्कृतिक अधपतन भयो, सामाजिक सञ्जाल हेरिसक्नु हुँदैन

काठमाडौं । प्रधानमन्त्री केपी शर्मा ओलीले नेपालमा कोभिडको महामारीभन्दा सांस्कृतिक अधपनको महामारी डरलाग्दो गरी फैलिएको बताएका छन् । अरुको नक्कल गर्ने नाममा अनुशासनहिनता मौलाएको पनि उनले गुनासो गरे ।

अन्तर्राष्ट्रिय योग दिवसका अवसरमा आयोजित कार्यक्रममा बोल्दै ओलीले भने, ‘कोभिडलाई त हामी १-२ वर्षमा समाप्त गर्छौं । तर, यो सांस्कृति अधपतनको महामारी छ, त्यो भ्याक्सिन र मास्कले समाप्त हुँदैन । यसमा सावधानी नअपनाए पिँढी दरपिँढी हाम्रो समाजलाई यसले विकृत तुल्याउँछ ।’

अहिले सामाजिक सञ्जाल हेरिनसक्नु भएको ओलीले बताए ।

उनले भने, ‘हाम्रो सभ्यताको माखोल उडेको छ । हामी दुनियाँकै सबैभन्दा असभ्य, असंस्कृत र भद्दा अभिव्यक्ति दिनभित्र पर्छौंं । सामाजिक सञ्जाल हेरिसक्नु हुन्छ र ? सञ्जालमा एउटा लेख दिनुभयो भने त्यसमा एकाध टिप्पणी हुन्छन् बाँकी अश्लिल र छाडा गालीगलौज अनि कुष्ठा छरपष्ट हुन्छ ।’