स्वीट्जरल्यान्डको जितमा शकिरीको दुई गोल – Nepal Press

स्वीट्जरल्यान्डको जितमा शकिरीको दुई गोल

काठमाडौं । शेर्डन शकिरीको दुई गोलप्रेरित स्वीट्जरल्यान्डले युरो २०२० अन्तर्गत समूह एको अन्तिम खेलमा टर्कीलाई ३-१ गोलको नतिजामा पराजित गरेको छ ।

अजरबैजानको बाकुमा भएको खेलको छैठौं मिनेटमा ह्यारिस सेफेरोभिचले गोल गर्दै स्वीस टोलीलाई अग्रता दिलाएका थिए । टर्कीको रक्षापक्तिमाथि लगाता आक्रमण गरेको स्वीटजरल्यान्डका लागि २६औं मिनेटमा शकिरीले गोल गर्दै अग्रता दोब्बर पारेका थिए ।

पहिलो हाफमा २-० ले पछिपरेको टर्कीका लागि इर्फान खभेचीले ६२औं मिनेटमा एक गोल फर्काएका थिए ।

तर, ६८औं मिनेटमा शकिरीले व्यक्तिगत दोस्रो गोल गर्दै स्वीट्जरल्यान्डका लागि ३-१ को जित सुनिश्चित गरे । जितसँगै स्वीट्जरल्यान्डको नकआउट प्रवेश सम्भावना बढेको छ ।

यद्यपि, स्वीट्जरल्यान्डले अन्य समूहका खेलको नतिजा कुर्नुपर्नेछ । हारसँगै टर्की अंकविहीन रहँदै प्रतियोगिताबाट बाहिरिएको छ ।

प्रतिक्रिया

Leave a Reply

Your email address will not be published.

सम्बन्धित खवर