आँचलको नजरमा पल शाह रियल हिरो, भन्छिन् : देशलाई अक्सिजन बाँड्ने मान्छे महानायकभन्दा माथि

काठमाडौं । विहेअघि आँचल शर्मा र पल शाहको नाम रिल र रियल लाइफमा जोडियो । अफस्क्रिनमा पनि उनीहरुको केमेस्ट्री मिलेको देखिन्थ्यो । यी दुईबीच प्रेम सम्बन्ध रहेको पनि चर्चा चल्यो ।

विहेपछि पनि पलप्रति आँचलको मायामा पनि कमी भएको देखिएको छैन । यसैसाता एक टेलिभिजनसँगको अन्तर्वार्तामा आँचलले पलको खुलेर प्रशंसा गरेकी छिन् । पललाई उनले महानायककै संज्ञा दिएकी छिन् ।

कोरोना महामारीमा पलको समाजसेवाको प्रशंसा गर्दै आँचलले उनी समाजका लागि वास्तविक नायक भएको बताइन् । ‘यस्तो विषम परिस्थितीमा पनि पलजी खट्नुभएको छ । देशका लागि उहाँको चिन्ता देखिन्छ । उहाँ महानायकभन्दा पनि बढी हो’ आँचलले प्रशंसा गरेकी छिन् ।

‘ग्ल्यामर गफ्’ नामक टकसोमा पललाई लिएर सोधिएका प्रश्नमा समेत आँचल पजेटिभ सुनिइन् । कोरोना भाइरस महामारी साम्य भए फिल्म निर्माण गर्ने बताउँदै आँचलले फिल्म क्षेत्रको दुःख बुझ्ने संचारमन्त्री नियुक्त हुनु जरुरी भएको बताइन् ।