फोटो फिचर
बाढीपछिको मेलम्ची, लयमा फर्कने प्रयास गर्दै पीडित
२०७८ असार ६ गते १२:४८
मेलम्ची । मेलम्ची नदीमा असार १ गते राति आएको बाढीले क्षतविक्षत बनाएको मेलम्ची बजार र त्यस आसपासका नागरिक जसोतसो लयमा फर्कने प्रयास गरिरहेका छन् ।
उनीहरु नदीमा पानीको सहत घटेसँगै घरभित्रबाट बँचेखुचेका सामान निकाल्न खोजिरहेका छन् ।
बाढीले घर खेत डुबाएर–बगाएर बिचल्लीमा परेका उनीहरु कम जोखिम भएको ठाउँमा त्रिपाल हालेर बसिरहेका छन् । कोही आसपासका गाउँ र आफन्तकोमा शरण मागेर बसिरहेका छन् ।
बाढीले सडक र पुल भत्काएपछि स्काभेटर लगाएर अस्थायी बाटो बनाउने क्रम पनि सुरु भएको छ ।
यद्यपि, पानी परेसँगै नदीमा पानीको बहाव बढ्ने क्रम रोकिएको छैन । जसकारण त्रासकाबीच पनि पीडितहरु दैनिकीलाई सहज बनाउने प्रयास गरिरहेका छन् ।
प्रकाशित: २०७८ असार ६ गते १२:४८
प्रतिक्रिया
सम्बन्धित खवर
