बाढीले बगायो झिमरुक नदीको पक्की पुल – Nepal Press

बाढीले बगायो झिमरुक नदीको पक्की पुल

रुपन्देही । प्यूठानको झिमरुक नदीमा आएको बाढीले प्यूठानको ऐरावती गाउँपालिका-१ माझिदमार र अर्घाखाँचीको शितगंगा नगरपालिका–७ चिउरेखोला जोड्ने निर्माणाधीन पक्कीपुल भत्किएको छ ।

सो मोटरेबल पुल चार दिन अगाडि मात्रै ढलान भएको थियो । सडक डिभिजन कार्यालय प्यूठानका इन्जिनियर अरुण केसीका अनुसार पुलको ३५ मिटर भाग भत्किएको छ ।

पुल भदौमा सञ्चालनमा ल्याउने तयारी थियो । संघीय सरकारबाट विनियोजित रकमबाट डबल स्पानको ७० मिटर लम्बाइको पुल निर्माणको अन्तिम चरणमा पुगेको इन्जिनियर केसीले जानकारी दिए ।

यता अबिरल बर्षाका कारण अर्घाखाँचीमा तीन घर भत्किएका छन् । सन्धिखर्क नगरपालिकाको वडा नम्बर १० को बेल्टारीका श्याम थापा र बासडाँडाँका नारायण आचार्यको घर भत्किएको छ ।

पानीका कारण मालारानी गाउँपालिकाको वडा नम्बर ९ को हिले खोलामा घर गोठ भत्किएको छ । गोठ भत्कदा २ वटा बाख्रा मरेको जिल्ला प्रकरी कार्यलय अर्घाखाँचीका प्रहरी नायव उपरिक्षक माधब बुढाथोकीले बताए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर