बुटवल-पाल्पा सडक एकतर्फी खुल्यो, महेन्द्र राजमार्ग अवरुद्ध – Nepal Press

बुटवल-पाल्पा सडक एकतर्फी खुल्यो, महेन्द्र राजमार्ग अवरुद्ध

रुपन्देही । तीन दिनदेखि अवरुद्ध रहेको सिद्धार्थ राजमार्गको बुटवल पाल्पा सडक खण्ड आज दिउँसो एकतर्फी सुचारु भएको छ भने महेन्द्र राजमार्ग अझै खुल्न सकेको छैन ।

सिद्धार्थ राजमार्गको सडक खण्डमा स-साना पहिरो पन्छाएर बिहानै सडक खोलेको भएपनि गौडापुलनजिकै बाटोसँगै भास्सिएको करिब ५० मिटर सडक खुल्न नसक्दा यातायात अवरुद्ध भएको हो ।

राजमार्ग आज दिउँसोबाट संचालनमा आएको लुम्बिनी प्रदेश ट्राफिक प्रहरी कार्यालयका प्रवक्ता डीएसपी डिल्लीनारायण पाण्डेले जानकारी दिए । पूर्वपश्चिम महेन्द्र राजमार्गको चरङ्गे नजिकैको डाइभर्सन भने अझै खुल्न सकेको छैन ।

पूर्वपश्चिम राजमार्गको बुटवल सुनवल खण्ड पनि ३ दिनदेखि अवरूद्ध रहेको छ । आज पानी कम भएपछि वैकल्पिक बाटो बनाइरहेको पाण्डेले बताए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर