लगातार जितपछि युरो २०२० को नकआउट चरणमा पुग्यो इटली – Nepal Press

लगातार जितपछि युरो २०२० को नकआउट चरणमा पुग्यो इटली

एजेन्सी । समूहकाे आफ्नाे दोस्रो खेलमा स्वीट्जरल्याण्डलाई ३–० ले पराजित गरेपछि इटली युरो २०२० मा नकआउट चरणमा पुग्ने पहिलो टिम बनेको छ । रोवर्टो मान्चिनी नेतृत्वको उसको पछिल्लो लयलाई हेर्दा यो नतिजा अप्रत्यासित पनि होइन ।

अघिल्लो खेलमा टर्कीलाई ३–० ले नै हराएको इटलीले गएराति स्वीस् टोलीमाथि घरेलु मैदान रोमामा सहज जित निकाल्यो ।

२६ औं मिनेटमा म्यानुएल लोकाटेलीले गोल गरेसँगै पहिलो हाफमा अघि रहेको इटलीले दोस्रो हाफको सुरुमै अग्रता बढायो । यसपल्ट पनि लोकाटेलीलै सफल रहे । खेलको अन्तिम मिनेटमा सीरो इम्मोबाइलले गोल गरी ३–० को जित निश्चत गरे ।

स्वीटजरल्याण्डसँगको विजय उसको लगातार दशौं जित हो । पछिल्लोपल्ट हारेपछि उसले ३१ गेल गरेको छ । उसले पछिल्लो १९ खेलमा ५९ गोल गरेको छ भने ३ गोलमात्र खाएको छ ।

इटली २९ खेलको अविजित यात्रामा छ र त्यसक्रममा ८० गोल गरेको छ । तथ्यांक हेर्दा ऊ ठूलो सफलताको भोको छ ।

प्रतिक्रिया

Leave a Reply

Your email address will not be published.

सम्बन्धित खवर