स्लोभाकियासँग पोल्यान्ड २-१ ले पराजित – Nepal Press

स्लोभाकियासँग पोल्यान्ड २-१ ले पराजित

काठमाडौं । युरो २०२० को समूह ‘ई’ अन्तर्गत सोमबार भएको खेलमा स्लोभाकियाले पोल्यान्डलाई २-१ गोलको नतिजामा पराजित गरेको छ । रुसको सेन्ट पिटर्सबर्गमा भएको खेलमा स्लोभाकियालाई जित दिलाउन पोल्यान्डका गोलकिपर वेइचेक सेचेन्स्नीले आत्मघाती र मिलान स्क्रिनियरले एक गोल गरे ।

खेलको १८औं मिनेटमा सेचेन्स्नीको आत्मघाती गोलसँगै अग्रता लिएको स्लोभाकियाले उत्कृष्ट डिफेन्सिभ प्रदर्शन गर्दै काउन्टर अट्याकमा गोल गर्न सफल भएको थियो ।

पहिलो हाफमा १-० ले पछि परेको पोल्यान्डले दोस्रो हाफको पहिलो मिनेटमै बराबरी गोल फर्काएको थियो । ४६औं मिनेटमा कारोल लिनेटीले गरेको गोलसँगै खेलमा फर्किएको पोल्यान्डका मिडफिल्डर ग्रिजगोर्ज क्रिचोवाइकले दोहोरो पहेँलो कार्डको सामना गर्दै मैदान छाड्नु परेको थियो ।

अन्तिमको करिब ३० मिनेट १० जनामा सीमित भएको पोल्यान्डले पराजय बेहोर्नु पर्‍यो ।

स्लोभाकियाले अर्को खेलमा शुक्रबार स्वीडेनसँग खेल्नेछ भने पोल्यान्डले आइतबार स्पेनको सामना गर्नेछ ।

प्रतिक्रिया

Leave a Reply

Your email address will not be published. Required fields are marked *