जिल्ला समन्वय समितिको खाता फुकुवा गर्ने विवरण उपलब्ध गराउन महालेखा नियन्त्रण कार्यालयको परिपत्र – Nepal Press

जिल्ला समन्वय समितिको खाता फुकुवा गर्ने विवरण उपलब्ध गराउन महालेखा नियन्त्रण कार्यालयको परिपत्र

काठमाडौं । महालेखा नियन्त्रणको कार्यालयले सबै जिल्ला समन्वय समितिलाई राेक्का गरिएकाे बैंक खाता फुकुवा गर्ने विवरण उपलब्ध गराउन आग्रह गरेको छ । कार्यालयले संघीय मामिला तथा सामान्य प्रशासन मन्त्रालयमार्फत ७७ वटै जिल्ला समन्वय समितिलाई परिपत्र गर्दै आग्रह गरेको हो ।

साविक कर्मचारी कल्याणका लागि स्थापना गरिएको कोषमा रकम जम्मा गर्न जिल्ला विकास समितिको तर्फबाट नियुक्त कर्मचारी अहिले उक्त जिल्लाको जिल्ला समन्वय समितिमा कार्यरत रही निजको अवकाशित दायित्व भुक्तानी गर्ने प्रयोजनका लागि खर्च लेख्ने बाहेक अन्य अवस्थामा उक्त खातामा रहेको रकम रोक्का राख्न पनि भनेको छ ।

यस्तै साविक जिल्ला विकास समितिमा रहेको विभिन्न कोषको रकममध्ये अहिले रोक्का राखिएका सबै खाता रोक्का फुकुवा गर्न भनेको छ । जिल्ला समन्वय समितिमा रहेका कर्मचारी कल्याण कोषको रकम एकिन गरी त्यसको जिल्लागत विवरण १५ दिन भित्र कार्यालयमा उपलब्ध गराउन पनि अनुरोध गरेको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर