भारतमा सोमबार कोरोनाबाट ३९ सयको मृत्यु, ७० हजार संक्रमित थपिए

दिल्ली । भारतमा पछिल्लो २४ घण्टामा भारतमा कोरोनाभाइरस संक्रमणबाट ३ हजार ९२१ जनाले ज्यान गुमाएका छन् । पछिल्ला केही दिनदेखि भारतमा दैनिक संक्रमितको संख्यामा कमी हुँदै आएको देखिएको छ । सोमबारको तथ्यांक अनुसार भारतमा ७० हजार ४२१ संक्रमित थपिएका छन् ।

एकैदिनमा यति मानिस संक्रमित भएको ७१ दिनपछिकै सबैभन्दा थोरै भएको स्वास्थ्य मन्त्रालयले जनाएको छ । गत २४ घण्टामा यहाँ १ लाख १९ हजार ५०१ डिस्चार्ज भएका छन् ।

भारतमा अहिलेसम्म कोरोना संक्रमितको संख्या २ करोड ९५ लाख भन्दा बढी रहेको छ भने २ करोड ८१ लाख भन्दा बढी संक्रमणमुक्त भएको तथ्यांकमा उल्लेख छ ।

भारतमा अहिलेसम्म ३ लाख ७४ हजार ३०५ जनाले ज्यान गुमाइसकेका छन् भने ९ लाख ७३ हजार १५८ जना संक्रिय संक्रमित रहेको मन्त्रालयले जनाएको छ ।

India reports 70,421 new #COVID19 cases (lowest in last 72 days), 1,19,501 patient discharges & 3921 deaths in last 24 hrs, as per Health Ministry

Total cases: 2,95,10,410
Total discharges: 2,81,62,947
Death toll: 3,74,305
Active cases: 9,73,158

Vaccination: 25,48,49,301 pic.twitter.com/e9hlLVsYPU

— ANI (@ANI) June 14, 2021