युक्रेनविरुद्ध नेदरल्यान्ड्सको रोमाञ्चक जित – Nepal Press

युक्रेनविरुद्ध नेदरल्यान्ड्सको रोमाञ्चक जित

काठमाडौं । डेन्जेल डम्फ्रिजको निर्णायक गोलप्रेरित नेदरल्यान्ड्सले युरो २०२० को समूह सी अन्तर्गत आइतबार राति भएको खेलमा युक्रेनविरुद्ध ३-२ को रोमाञ्चक जित हासिल गरेको छ ।

नेदरल्यान्ड्सकै आम्सटरड्याममा भएको खेलको पहिलो हाफ गोलरहित बराबरीमा टुङ्गिएको थियो । तर, दोस्रो हाफमा भने दुवै टोलीले गोल गर्न सफल भए ।

कप्तान जर्जिनियो विनाल्डमले ५२औं मिनेटमा गरेको गोलसँगै डच टोलीले अग्रता लिएको थियो । त्यसको ८ मिनेट नबित्दै वाउट वेघोर्स्टले गोल गरेर नेदरल्यान्ड्सको अग्रता दोब्बर पारेका थिए ।

खेलमा फर्किन निरन्तर प्रयासरत युक्रेनका लागि एन्ड्री यार्मोलेन्कोले ७५औं मिनेटमा पहिलो गोल फर्काएका थिए । त्यसको ४ मिनेट नबित्दै रोमन यारेमचुको युक्रेनका लागि बराबरी गोल फर्काएका थिए ।

तर, अन्तिम समयमा सम्हालिन नसक्दा युक्रेनले पुन: गोल खाँदै पराजित हुनुपर्‍यो ।  निर्धारित समयको खेल सकिन ५ मिनेट बाँकी रहँदा डम्फ्रिजले हेडरमार्फत गरेको गोल नेदरल्यान्ड्सलाई तीन अंक दिलाउन पर्याप्त भयो ।

जितसँगै प्रतियोगिताको सुरुआत गरेको डच टोलीले शुक्रबार अस्ट्रियासँग खेल्ने छ यस्तै युक्रेनले बिहीबार नर्थ मेसिडोनियासँग खेल्ने छ ।

प्रतिक्रिया

Leave a Reply

Your email address will not be published. Required fields are marked *