शनिबार ३३ सय कोभिड बिरामी थपिए, ६१ जनाको मृत्यु
संक्रमित हुनेमा २१ देखि ४० वर्षका धेरै
नेपाल प्रेस
२०७८ जेठ २९ गते १७:०१
काठमाडौं । पछिल्लो २४ घण्टामा मुलुकमा ३,३८५ जना कोभिड बिरामी थपिएका छन् । स्वास्थ्य मन्त्रालयका अनुसार थप ६१ जनाको मृत्यु भएको छ ।
१४ हजार ४९४ नमुना (८५०६ पीसीआर र ५९८८ एन्टीजेन) परीक्षण गर्दा ती संक्रमित थपिएका हुन् । संक्रमित हुनेहरुमा २१ देखि ४० वर्ष उमेर समूहका अत्याधिक छन् ।
परीक्षण गराउनेमध्येको पजेटिभ हुने दर १८.९ प्रतिशत छ । जुन अहिलेसम्म स्थिर छ । मृत्यु हुने दर १.६ प्रतिशत रहेको छ ।
थप ६२९५ जना निको भएका छन् । निको हुने दर ८६.९ प्रतिशत पुगेको छ । सक्रिय संक्रमित संख्या ७१ हजार ३०१ पुगेको छ ।
नेपाल प्रेस
प्रकाशित: २०७८ जेठ २९ गते १७:०१
प्रतिक्रिया
सम्बन्धित खवर
