लुम्बिनीको नीति तथा कार्यक्रममाथि आजदेखि छलफल

रुपन्देही । लुम्बिनी प्रदेश सभामा जेठ २५ गते प्रदेश प्रमुख धर्मनाथ यादवले प्रस्तुत गरेको नीति तथा कार्यक्रममा आजदेखि छलफल शुरु हुने भएको छ ।

आज दिउँसो १२ बजेदेखि बस्ने बैठकको शुरुमा मुख्यमन्त्री शंकर पोखरेलले सभामा प्रदेश प्रमुखले प्रस्तुत गरेको नीति तथा कार्यक्रम टेबुल गर्ने, नीति तथा कार्यक्रम प्रस्तुत गरेकोमा प्रदेशसभाको तर्फबाट प्रदेश प्रमुखलाई धन्यवाद ज्ञापन गर्ने र त्यसपछि सांसदहरुले आफ्नो धारणा राख्ने कार्यसूचि रहेको छ ।

जेठ २५ गते प्रस्तुत नीति तथा कार्यक्रममा विपक्षी दलहरुका सांसदहरुले बहिस्कार गरेकाले आजको छलफल कसरी अगाडि बढ्ने भन्ने विषयमा रणनीति बनाउन सत्ता पक्ष र विपक्षी दलहरु अहिले आफ्नो आफ्नो तयारीका लागि जुटेका छन् ।

आजको छलफलमा सहभागी हुने र आफ्नो धारणा प्रदेशसभामा राख्ने नेपाली कांग्रेसका सचेतक निर्मला क्षेत्रीले बताइन् । एमालेका प्रमुख सचेतक भूमिश्वर ढकालले कार्यसूची अनुसार नै आजको प्रदेशसभामा नीति तथा कार्यक्रममा छलफल हुने बताए ।

 

प्रतिक्रिया

Leave a Reply

Your email address will not be published. Required fields are marked *