देउवा निवासमा विपक्षी गठबन्धनको छलफल, गण्डकीमा माधव पक्षका एकमात्र सांसदलाई तान्ने प्रयास

काठमाडौं । प्रधानमन्त्री केपी शर्मा ओलीले मन्त्रिपरिषद्लाई पूर्णता दिए लगत्तै विपक्षी गठबन्धनका शीर्ष नेताबीच छलफल भएको छ ।

कांग्रेस सभापति शेरबहादुर देउवाको निवास बुढानिलण्ठकमा भएको छलफलमा गण्डकीमा एमाले सरकार ढलेपछिको अवस्था बारेमा समेत कुराकानी भएको छ ।

छलफलमा देउवासहित माओवादी अध्यक्ष प्रचण्ड र एमालेबाट निष्कासित नेता माधवकुमार नेपाल लगायत सहभागी भएका छन् ।

गण्डकीमा अब नयाँ सरकार गठनका लागि विपक्षी गठबन्धनले एक सांसदको सहयोग लिनुपर्छ । ३१ जना हुनुपर्नेमा बिहीबार विश्वासको मत लिने क्रममा २८ मत परेको छ। सरकारमै रहेका दिपक मनाङे सम्पर्कविहीन छन् ।

एमालेको माधव नेपालका एकमात्र सांसद इन्द्रलाल सापकोटाले मुख्यमन्त्री पृथ्वीसुब्बा गुरुङको पक्षमा मत दिएका छन् । माधव पक्षका एक सांसदको समर्थन जुटाएर भए पनि एमाले सरकार विस्थापित गर्नुपर्ने पक्षमा विपक्षी गठबन्धन छलफलमा छ ।

प्रतिक्रिया

Leave a Reply

Your email address will not be published. Required fields are marked *