१० बच्चालाई जन्म दिँदै अफ्रिकी महिलाले राखिन् विश्व रेकर्ड
नेपाल प्रेस
२०७८ जेठ २६ गते १९:१४
प्रिटोरिया । दक्षिण अफ्रिकाकी एक महिलाले एकैपटकमा १० वटा बच्चालाई जन्म दिएर विश्व कीर्तिमान राखेकी छिन् ।
बीबीसीका अनुसार गोसियामी थामराले सात छोरा र तीन छोरीलाई जन्म दिएकी हुन् । ‘म धेरै खुशि छु, भावुक पनि । म धेरै कुरा गर्न सक्दिन’ ती महिलाका पति तेबेहो सोतेत्सीले पत्नीले बच्चा जन्माएपछि सोमबार राती प्रिटोरिया समाचार एन्जेसीसँग भने ।
३७ वर्षकी ती महिलाले यसअघि जुम्ल्यहा बच्चा जन्माएकी थिइन् र उनीहरुको उमेर अहिले ६ वर्ष पुगेको छ ।
सिजेरियन विधिबाट बच्चा जन्माएपछि आफू स्वस्थ रहेको ती महिलाले जनाएकी छिन् । गिनिज विश्व रेकर्डले गोसियामीको उक्त केसबारे अनुसन्धान गरिरहेको जनाएको छ ।
यसअघि मोरक्कोमा एकैपटक ८ बच्चा जन्माएकी महिलाको विश्व कीर्तिमान अहिले पनि कायमै छ ।
नेपाल प्रेस
प्रकाशित: २०७८ जेठ २६ गते १९:१४
प्रतिक्रिया
सम्बन्धित खवर
