५७ लागे राजेश हमाल, यस्तो छ फिल्ममा कमब्याक तयारी

काठमाडौं । अभिनेता राजेश हमाल बुधबारदेखि ५७ वर्ष लागेका छन् । प्रशंसकले बुधबार विहानैदेखि हमाललाई सामाजिक संजालमा जन्मदिनको शुभकामना दिइरहेका छन् ।

सन् १९६४ मा आजको दिन पाल्पाको तानसेनमा जन्मिएका हमालको पहिलो फिल्म ‘युगदेखि युगसम्म’ थियो । झन्डै तीनसय फिल्ममा अभिनय गरेका हमाललाई उनका प्रशंसक ‘महानायक’ पनि भन्छन् ।

पछिल्लो समय टेलिभिजन र समाजसेवामा सक्रिय हमाल फिल्म अभिनयमा फर्कने तयारीमा छन् । उनले हालै ‘सत्यम’ फिल्म साइन्ड गरेका छन् र उनीसँग झन्डै १० वटा फिल्म स्क्रिप्ट रहेको बताइन्छ ।

नयाँ चरित्र र भूमिकासहित आफू अभिनयमा फर्कने तयारीमा रहेको हमाल बताउँछन् । उनी सत्यम लगायतका आफ्ना नयाँ फिल्ममा नितान्त नयाँ भूमिका र चरित्रमा फर्कने तयारीमा छन् ।

साथै, हमाल कोरोनाभाइरस महामारी सामान्य भए युवाहरुलाई जागरुक तुल्याउन देशव्यापी मोटिभेसनल स्पिकरको रुपमा निस्कने तयारीमा छन् । यसका लागि हमालले व्यक्तिगत तयारी पनि गरिरहेका छन् ।

फिल्म निर्माण गर्ने भनिएपनि हमालले तत्काल यसबारे आफ्नो कुनै योजना नरहेको बताएका छन् ।

प्रतिक्रिया

Leave a Reply

Your email address will not be published. Required fields are marked *