सुदूरपश्चिम मुख्यमन्त्रीले मागे विश्वासको मत, मतदान प्रक्रिया सुरू – Nepal Press

सुदूरपश्चिम मुख्यमन्त्रीले मागे विश्वासको मत, मतदान प्रक्रिया सुरू

कैलाली । सुदूरपश्चिम प्रदेशका मुख्यमन्त्री त्रिलोचन भट्टले आफूलाई विश्वासको मत दिन सांसदसँग आह्वान गरेका छन् । यससँगै अहिले मतदानको तयारी भइरहेको छ ।

बैठकमा बोल्दै मुख्यमन्त्री भट्टले सबैसँग हातेमालो गरेर अघि बढ्न तयार रहेको बताए ।

‘सुदूरपश्चिममा ठूला-ठूला काम गर्नुपर्ने छ, यसका लागि संघीय सरकारसँग साझा संकल्पसहित सदनलाई एकतावद्ध गरेर अघि लिएर जान प्रतिवद्ध छु’ उनले भने ।

आफूले कुनै दल विशेषलाई नभएर सबैसँग मत मागेको उनको भनाइ छ ।

‘म सभामुखमार्फत आग्रह गर्छु, सबैले मलाई विश्वासको मत दिनुस्,’ उनले भने, ‘म सबै माननीयहरूको सुझावका आधारमा साझा एजेन्डा बनाएर काम गर्नेछु ।’

मुख्यमन्त्रीको सम्बोधनपछि मतदान प्रक्रिया सुरू भएको छ । एमाले संसदीय दलले सरकारलाई विश्वासको मत दिने निर्णय लिइसकेकाले सरकार ढल्ने सम्भावना छैन ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर