सोमबार ४,४७२ संक्रमित थपिए, ६९५१ जना डिस्चार्ज – Nepal Press

सोमबार ४,४७२ संक्रमित थपिए, ६९५१ जना डिस्चार्ज

९२ जनाको मृत्यु

काठमाडौं । पछिल्लो २४ घण्टामा मुलुकमा कोरोनाभाइरसका ४,४७२ जना बिरामी थपिएका छन् ।

स्वास्थ्य मन्त्रालयका अनुसार १७ हजार ९०३ (पीसीआर १२ हजार २ र ५९०१ एन्टीजेन) नमुना परीक्षण गर्दा ती संक्रमित थपिएका हुन् ।

सोमबार थप ९२ जनाको मृत्यु भएको छ । मृत्युदर १.३५ प्रतिशत छ । कूल ७, ९९० जनाको मृत्यु भएको छ ।

पछिल्लो २४ घण्टामा ६९५१ जना डिस्चार्ज भएका छन् । निको हुने दर ८४.२ प्रतिशत छ ।

नेपालमा पीसीआर परीक्षणबाट कुल सङ्क्रमित सङ्ख्या पाँच लाख ९१ हजारको हाराहारीमा पुगेको छ जसमध्ये अहिले ७८,३६४ जनामा सक्रिय सङ्क्रमित छन्। कुल सङ्क्रमितमध्ये ३९ प्रतिशत महिला हुन्।

सोमवार सङ्क्रमण पुष्टि भएकामध्ये सबैभन्दा धेरै काठमाण्डू जिल्लाका छन्।

राजधानीका ७९० जनासहित भक्तपुरका १३५ जना र ललितपुरका १९० जना गरी काठमाण्डू उपत्यकामा थप १,११५ जना सङ्क्रमित थपिएका छन्।

नेपालका ७७ मध्ये ४७ जिल्लामा अहिले ५०० भन्दा धेरै सक्रिय सङ्क्रमित रहेका छन् भने थप १३ जिल्लामा २०० भन्दा बढी सक्रिय सङ्क्रमित रहेका छन्।

सक्रिय सङ्क्रमितमध्ये ७,१८० जना संस्थागत आइसोलेशनमा छन्। तीमध्ये १,४३४ आईसीयूमा र ३९७ जना भेन्टिलेटरमा रहेका छन्।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर