रोकिएका परीक्षा संचालनको वातावरण बनाउन विपक्षी गठबन्धन आवद्ध विद्यार्थी संगठनको माग – Nepal Press

रोकिएका परीक्षा संचालनको वातावरण बनाउन विपक्षी गठबन्धन आवद्ध विद्यार्थी संगठनको माग

काठमाडौं । विपक्षी गठबन्धनसँग आवद्ध ७ विद्यार्थी संगठनले त्रिभुवन विश्व विद्यालय लगायत अन्य विश्व विद्यालयहरुले लकडाउनका कारण स्थगित गरेको सबै तहको परीक्षा संचालन माग गरेका छन् ।

आइतबार बसेको विद्यार्थी संगठनहरुको बैठकले परीक्षा स्थगनले विद्यार्थीको भविष्यलाई अन्यौल बनाएको भन्दै सरोकारवालासँग छलफल गरी मापदण्डका आधारमा परीक्षाको वातावरण बनाउन माग गरेको हो ।

विद्यार्थी संगठनले झापाको वि एण्ड सी मेडिकल कलेजलाई दिइएको स्म्बन्ध खारेज गर्न र निषेधाज्ञामा बन्द भएका विद्यालयहरुले शुल्क असुली गरिरहेको भन्दै यस्तो कार्य बन्द गर्न चेतावनी दिएका छन् ।

बैठकले उपप्रधानमन्त्री राजेन्द्र महतोले दिएको अभिव्यक्तिको भत्र्सना गरेको एमालेको माधव नेपाल पक्षधर अनेरास्ववियुका अध्यक्ष सुदेश पराजुलीले बताए ।

बैठकले मुल्यवृद्धि विरुद्ध आन्दोलन गर्ने चेतावनी दिएको छ । बैठकपछि जारी विज्ञप्तिमा कांग्रेस निकट नेविसंघका अध्यक्ष राजीव ढुंगाना,माओवादी निकट अखिल क्रान्तिकारीका अध्यक्ष रन्जित तामाङ,माधव नेपाल पक्षीय अनेरास्ववियुका अध्यक्ष सुदेश पराजुली,नेकपा मसाल निकट अखिल छैटौंका अध्यक्ष विमल पोखरेल लगायतले हस्ताक्षर गरेका छन् ।

प्रतिक्रिया

Leave a Reply

Your email address will not be published.

सम्बन्धित खवर