प्रधानमन्त्री र महन्थबीच राति अबेरसम्म वार्ता, जसपा आजै सरकारमा सहभागी हुने सम्भावना

काठमाडौं । जनता समाजवादी पार्टीको महन्थ ठाकुर पक्षलाई आजै सरकारमा सहभागी गराउने तयारी भएको छ । जसपा सरकारमा सहभागी हुने भएपछि प्रधानमन्त्री केपी शर्मा ओलीले मन्त्रिपरिषदमा विस्तार र हेरफेर गर्ने भएका छन् ।

अहिले प्रधानमन्त्रीले पार्टीका मुख्य नेताहरुसँग छलफल गर्दैछन् ।

जसपा ८ मन्त्रालयसहित सरकारमा सामेल हुँदैछ । जसपाबाट दुई राज्यमन्त्रीसहित १० जना सरकारमा सहभागी हुनेछन् । आजै साँझ नयाँ मन्त्रीहरुको सपथग्रहण हुने सम्भावना रहेको स्रोतले जनाएको छ ।

संसदीय दलका नेता राजेन्द्र महतोको नेतृत्वमा जसपा सरकारमा सहभागी हुन लागेको हो ।

यसअघि विहीवार राति अबेरसम्म जसपा अध्यक्ष महन्थ ठाकुर प्रधानमन्त्री केपी शर्मा अ‍ोलीसँग वार्ताका लागि बालुवाटारमा थिए । जसपाको संसदीय दलमा बहुमतमा रहे पनि कार्यकारिणी समितिमा वहुमत नभएकाले सत्ता सहभागिता केही दिन लम्बिएको थियो ।

अहिले जसपा विवाद निर्वाचन आयोगमा पुगेकाे छ ।