काेभिडकेन्द्रित बजेट ल्याउने लुम्बिनी सरकारको याेजना

रुपन्देही । लुम्बिनी प्रदेशसभाको आठौं अधिवेशनअन्तर्गत आजको बैठकमा प्रदेश सरकारको तर्फबाट प्रस्तुत हुने विनियोजन विधेयकका सिद्धात र प्राथमिकतामाथि छलफल भइरहेको छ ।

बैठकको शुरूमा सभामुख पूर्णबहादुर घर्तीले प्रदेश सरकारका आर्थिक मामिला तथा योजना मन्त्री वैजनाथ चौधरीलाई विनियोजन विधेयक छलफलको प्रस्तावका लागि समय दिएका थिए ।

मन्त्री चौधरीले विधेयकको आवधिक योजनामा आधारित रहेर योजना बनाएको बताए । उनले कोभिड-१९ लाई केन्द्रमा राखेर योजना बनाएको, अर्थतन्त्र चलायमान, स्वास्थ्यमा नागरिकको पहुँच, लगानीमैत्री वातावरण र रोजगारीको व्यवस्थापन, प्रदेश सरकारको सेवा प्रवाह बढाउने र प्रदेशले शुरू गरेको योजना समयमै पूरा गराउने उद्देश्य राखेको सदनसमक्ष जानकारी दिए ।

मन्त्री चौधरीले कोभिड नियन्त्रण र रोकथाम, आय विस्तार र आर्थिक वृद्धि, विनियोजन सुधार र आय प्रणाली, खर्चमा सुधार, आर्थिक सुशासन र पारदर्शीतालाई प्राथमिकतामा राखेको बताए । यो विषयमा संसदहरूले आफ्नो धारणा राख्न शुरु गरेका छन् ।