सुदूरपश्चिममा शुक्रबारबाट बजेट अधिवेशन सुरु हुँदै

कैलाली । सुदूरपश्चिम प्रदेशमा बजेट अधिवेशन शुक्रबारबाट सुरु हुने भएको छ । बुधबारको मन्त्रिपरिषद् बैठकले बजेट अधिवेशन जेठ २१ गते दिउँसो ३ बजेका लागि आह्वान गर्न प्रदेश प्रमुखलाई सिफारिस गर्ने निर्णय गरेको हो ।

त्यस्तै जिउँदै आगो लगाइएकी डोटीको आदर्श गाउँपालिका – ४ कि लक्ष्मी भाट र उनकी छोरी अन्जुको उपचारका लागि प्रदेश सरकारले २ लाख रुपैयाँ सहयोग गर्ने निर्णय गरेको छ ।

कञ्चनपुरको महाकाली अस्पताललाई प्रादेशिक अस्पताल बनाउने निर्णय पनि गरेको प्रदेश सरकारका प्रवक्ता, आन्तरिक मामिला तथा कानुन मन्त्री पूर्णा जोशीले जानकारी दिइन् ।