नदीजन्य वस्तुको ढुवानी रातको समयमा मात्र गर्न उच्च अदालतको अन्तरिम आदेश

रुपन्देही । उच्च अदालत तुलसीपुरले बिहान ८ बजेदेखि बेलुका ६ बजेसम्म खोला तथा नदीजन्य वस्तुहरु नबोक्न अल्पकालीन अन्तरिम आदेश जारी गरेको छ ।

मंगलबार मुख्य न्यायाधीश नीता गौतम दीक्षितको एकल इजलासले बालुवा, गिट्टी र ढुंगा बोक्ने सवारी साधन उक्त समयमा नचलाउन अल्पकालीन अन्तरिम आदेश जारी गरेको हो ।

उच्च बार एशोसियसन तुलसीपुरका अध्यक्ष अधिवक्ता रबिन्द्रकुमार शर्माको निवेदन उपर सुनुवाई गर्दै दिइएको आदेशमा जेठ २३ गते नदीजन्य पदार्थ व्यवस्थापन सम्बन्धी जिल्ला कोभिड संकट व्यवस्थापन केन्द्र दाङलाई समेत छलफलका लागि बोलाइएको छ । त्यसका साथै बाटाको म्यादबाहेक १५ दिनभित्र विपक्षहरुलाई उच्च सरकारी वकिल कार्यालय तुलसीपुरमार्फत लिखित जवाफ पेश गर्न भनेको छ ।

उच्च अदालतको मंगलबारको अल्पकालीन अन्तरिम आदेश संकट व्यवस्थापनको निर्णयविरुद्धमो छ । उच्च अदालतले संकट व्यवस्थापनको निर्णय प्रदेश कानून विपरीत भएको आफ्नो आदेशमा उल्लेख गरेको छ ।

यसअघि जेठ १४ गते नदीजन्य पदार्थ व्यवस्थापन सम्बन्धी जिल्ला कोभिड संकट व्यवस्थापन केन्द्र दाङले आफ्नो निर्णयको बुँदा नम्बर ५ मा ढुंगा, गिट्टी र वालुवा ढुवानी, स्थानीय तहको अनुमतिमा बिहान ९ बजेदेखि बेलुकी ६ बजेसम्म गर्न सकिने निर्णय गरिएको थियो ।

त्यस्तै चुनढुंगा ढुवानीका लागि होलेरीतर्फ बिहान ९ बजेदेखि बेलुकी ७ बजेसम्म र बंगलाचुलीतर्फ बेलुकी ५ बजेदेखि राति १२ बजेसम्मको समय तोकेको छ ।

प्रतिक्रिया

Leave a Reply

Your email address will not be published. Required fields are marked *