पत्रकारसँग कुरा गर्न अस्वीकार गर्ने ओशाकालाई ग्राण्डस्लामबाटै निष्कासन गर्ने चेतावनी

एजेन्सी । विश्व नम्बर २ टेनिस खेलाडी नाओमी ओसाकालाई पत्रकारहरुसँग कुराकानी गर्न अस्वीकार गरिरहे फ्रेन्च ओपन र भविश्य सबै ग्राण्डस्लामबाट निष्कासन गर्ने चेतावनी आयोजकले दिएको छ ।

जापानी सुपरस्टार ओसाकाले गत साता फ्रेन्च ओपनको क्रममा रोनाल्ड ग्यारोसमा आफूले कुनै पनि पत्रकार सम्मेलनमा सहभागी नहुने घोषणा गरेकी थिइन् । त्यसको कारणको रुपमा उनले आफू मानसिक स्वास्थ्यको रक्षा गर्न चाहेको बताएकी थिइन् ।

प्रतियोगिताको पहिलो चरणअन्तर्गत आइतबार रोमानियाकी प्याट्रिसिया मारिया टिगलाई २–० को सेटमा पराजित गरेपछि पत्रकारसँग कुरा गर्न नमानेपछि उनलाई १५ हजार अमेरिकी डलर जरीवाना लगाईको छ ।

चारै ग्राण्डस्लाम आयोजकहरुको संयुक्त वक्तव्यमा पनि ओसाकाले मिडियालाई अस्वीकार गर्दै गए जरीवाना रकम बढ्ने र भविश्यमाद ग्राण्डस्लामबाट निलम्बनसम्म गर्नुपर्ने स्थिति आउने बताएका छन् ।

यो वक्तव्यपछि ओसाकाले ट्वीटमार्फत भनेकी छन्, ‘मानिसहरुलाई परिवर्तन असहज लाग्छ ।’