इराकसँगको मैत्रीपूर्ण खेलअघि नेपाली टोली अभ्यासमा (तस्बिरहरु) – Nepal Press

इराकसँगको मैत्रीपूर्ण खेलअघि नेपाली टोली अभ्यासमा (तस्बिरहरु)

मैत्रीपूर्ण फुटबल खेलका लागि नेपाली राष्ट्रिय फुटबल टोली अहिले इराकको बार्सा शहरमा छ । नेपालले शनिबार इराकसँग अल फेया रंगशालामा मैत्रीपूर्ण फुटबल खेल्नेछ । खेल नेपाली समयअनुसार राती सवा १० बजेदेखि सुरु हुनेछ ।

त्यसअघि नेपालले बिहीबारदेखि अभ्यास सुरु गरेको छ । विश्वकप र एसियाली कप छनोट अन्तर्गत बाँकी रहेका तीन खेल कुवेतमा खेल्नुअघि नेपालले इराकसँग मैत्रीपूर्ण खेल खेल्न लागेको हो ।

नेपालको राष्ट्रिय फुटबल टोलीका मुख्य प्रशिक्षक अब्दुल्लाह अल्मुताइरीले जिम्मेबारी लिएपछिको यो पहिलो खेल हो । कुवेती प्रशिक्षक अल्मुताइरी कतार फुटबल संघको सहयोगमा नेपाली प्रशिक्षकका रुपमा आएका हुन् ।

फिफा प्रो लाइसेन्स प्रशिक्षकको मातहतमा नेपाली खेलाडीले पहिलोपल्ट प्रशिक्षण गरेका हुन् । नेपाली टोली बुधबार इराक पुगेको हो । प्रशिक्षक अल्मुताइरीले नतिजा अनुकुल नआएको अवस्थामा खेलाडीलाई होइन आफूलाई गाली गर्न अपीलसमेत गरेका छन् ।

सो खेलपछि नेपाली टोली कुवेत जानेछ । कुवेतमा नेपालले विश्वकप र एसियन कप छनोट अन्तर्गत चाइनिज ताइपेइ, जोर्डन र अस्ट्रेलियासँगको बाँकी खेल खेल्नेछ । नेपाल विश्वकपको छनोट सम्भावनाबाट बाहिरिइसकेको छ भने एसियन कपको सम्भावना कायम छ ।

प्रतिक्रिया

Leave a Reply

Your email address will not be published. Required fields are marked *