फिल्म प्राविधिकलाई सघाउन जुटे हिरोहरु, एकैदिनमा ४ लाख संकलन – Nepal Press

फिल्म प्राविधिकलाई सघाउन जुटे हिरोहरु, एकैदिनमा ४ लाख संकलन

काठमाडौं । कोरोनाभाइरस महामारीले थलिएका नेपाली फिल्म प्राविधिकलाई सघाउन फिल्मकर्मी एकजुट भएका छन् ।

दोस्रो पटकको लकडाउनले फिल्म प्राविधिकलाई आर्थिक र खाद्यान्न जोहोमा समस्या भएपछि फिल्मकर्मीले सहयोगी हात अघि बढाएका हुन् ।

चलचित्र प्राविधिक संघका अध्यक्ष पुष्कर लामाको पहलमा कलाकारहरुले गच्छेअनुसारको सहयोग उपलब्ध गराएका छन् ।

अभिनेता निर्मल शर्मा, जीवन लुइँटेल, राजवल्लभ कोइराला, नीरज बराल, मुकेश आचार्य, गणेश उप्रेतीले आर्थिक सहयोग प्रदान गरेका छन् । अहिलेसम्म झन्डै ४ लाख संकलन भएको नेफ्टा अध्यक्ष लामाले बताए ।

समस्यामा परेका प्राविधिक छनौट गरेर आवश्यक रकम उनीहरुको खातामा पठाइने जानकारी अध्यक्ष लामाले दिए । थप सहयोग संकलनका लागि पहल भैरहेको जनाइएको छ ।


प्रतिक्रिया

Leave a Reply

Your email address will not be published. Required fields are marked *